فريدة سيف النصر تعلن إصابتها بورم في الوجه
نشرت الفنانة فريدة سيف النصر،صورة مؤلمة لها عبر صفحتها الشخصية على موقع التواصل الأجتماعى فيسبوك،والتى ظهرت فيها يظهر فى وجهها تورم شديد دون سابق أنذار أو أجرائها لعمليات تجميل فى الوجه أو أى شئ،حيث ناشدت فريدة سيف جمهورها وزملائها وكل متابعينها أن يدعوا لها لتتخطى هذة الأزمة.
وقالت فريدة سيف النصر، فى تعليقها على الصورة،"ممكن تدعوا لي من قلبكم بجد اول مره ابكي زي الاطفال انا اصلا باتحمل لكن مش قادره..ده مش ماكياج ده وشي بدون سابق انذار صحيت باصوت نص الليل ودي رابع مره يحصل لي حاجه غريبه في وشي واكون باشتغل يعني مش وقته استغفر الله احسن من غيرنا سامحني والنبي اللهم لااعتراض..".
وأضافت فريدة سيف "عامله زي الكوره الكفر عينيه مقفوله وبوءي مدلدل حتي حواجبي وارمه هههههههه يخرب بيت كده انا اديتكم نص الوش علشان حقيقي مش انا رعب والله تغيير سريع سبحان الله والحمدلله مش هزار تحت اسنان سليمه 4 خراريج ازاي مش عارفين عملنا بانوراما كامله والدكتور مستني الالتهاب يروح والورم بحقن الفنتيرن قويه واوجمنتين وبعدين يقرر في ايه؟هههههههه هو نفسه بيسأل في إيه؟هو انا اللي هاعرف يادكتوووووور..".
وأكملت قائلة"وطبعا الفليكتور منيمني علي روحي لأن الالم الحمدلله مايتحملوش الا حد مستسلم لارادة ربنا ويشكره..المشكله الشغل ومافيش وقت لاحول ولاقوة الابالله..لا زم يصوروا من غيري وانا وافقت هاعمل ايه!..؟؟ قدر الله وماشاء فعل حاضرحبيبي يا ربنا كل اللي تجيبه راضيه والحمدلله هو مابيجيبش حاجه وحشه ابدا قضا اخف من قضا لو هافدي الغاليين كلهم انا جاهزه..ادعوا لي.".
اكملت قائلة"اسفه عالصوره بس انتم حبايبي وهاتتحملوا ده انا لسه منزله عالصفحه لايف بالنظاره الفراشه امبارح باين طلعت فراشه ملوثه...الآذان سلام بقي..".
فريدة سيف النصر مشايخ قالولى معمولك عمل
قالت الفنانة فريدة سيف النصر: إن الكثير من المشايخ من بعض الدول علقوا لها على الفيديو الذى نشرته عبر صفحتها على فيس بوك، وتطلب فيه من متابعيها الدعاء لها، وقالوا بأنها "معمول لها عمل".
وأضاف خلال مداخلة ببرنامج "مساء dmc"، المذاع على فضائية "DMC"، مع الإعلامية إيمان الحصرى: "أنا بقدر أمشى على رجلى وبتكلم عادى، لكن المشكلة في وشى، وهو رأس مالى وأكل عيشى، وأنا مش بخبى حاجة عن جمهورى، ودى كانت أول مرة أعمل عملين مع بعض، وكنت بعمل عمل وبقعد عليه سنتين و3 سنوات، والدكتور بيقولى أنا مش فاهم في إيه، وكل ما حد يرشحلى دكتور بروحله على طول.
من هى فريدة سيف النصر
فريدة سيف النصر ولدت فى 10 سبتمبر 1959 ، ممثلة مصرية.
درست في مدرسة النهضة، انضمت إلى فرقة التمثيل والموسيقى، اكتشفها المخرج حسام الدين مصطفى وهي ما زالت تلميذة ثم اكتشفها جورج سيدهم في فرقة ثلاثي أضواء المسرح، ثم تركت الفن بعض الوقت في تسعينيات القرن العشرين ثم عادت إليه وعملت في العديد من المسلسلات.
